Raza Musani 
کراچی : کراچی میں پولیس آفس پر حملے کا ماسٹر مائنڈ اریاد اللّٰہ سی ٹی ڈی کے ساتھ مقابلے میں ہلاک ہوگیا۔ محکمہ انسداد دہشت گردی نے نادرن بائی پاس منگھوپیر مائی گاڑھی مزار کے قریب خفیہ اطلاع پر کارروائی کی۔ فائرنگ کے تبادلے میں اریاد اللّٰہ اور اس کا ساتھی عبدالوحید ہلاک ہوگئے، جبکہ 2 کو گرفتار کیا گیا ہے۔دہشت گرد اریاد اللّٰہ کالعدم تحریک طالبان کراچی کا کمانڈر تھا۔ملزمان کے قبضے سے خودکش جیکٹ، 5 چھوٹے بڑے ہتھیار اور 2 موٹرسائیکلیں بھی برآمد کی گئی ہیں، خودکش جیکٹ کو بی ڈی ایس نے ناکارہ بنادیا۔ واضح رہے کہ 17 فروری کی شب دہشت گردوں نے کراچی پولیس ہیڈ آفس پر حملہ کیا تھا۔
