Raza Musani 
جدہ : گریٹر اسرائیل کے نقشے پر اسلامی تعاون تنظیم کو بھی ہوش آگیا۔ او آئی سی نے ایک بیان میں کہا ہے کہ اردن، لبنان اور شام کے علاقوں پر مشتمل اسرائیلی نقشہ مغربی کنارے کے الحاق کے اشتعال انگیز بیانات اور غزہ میں نسل کشی بین الاقوامی قانون کی صریح خلاف ورزی ہے۔ او آئی سی نے مقبوضہ فلسطینی علاقوں میں آباد کاروں کی دہشت گردی اور اسرائیلی قابض افواج کے جرائم میں اضافے کو ایک جیسا قرار دیا۔ او آئی سی نے عالمی برادری سے مطالبہ کیا کہ وہ فلسطینی عوام کے خلاف پندرہ ماہ سے جاری اسرائیلی نسل کشی کی تمام خلاف ورزیوں اور جرائم کو ختم کرنے کے لیے اپنی ذمہ داریاں ادا کرے۔
اس سے پہلے سعودی عرب نے اسرائیلی نقشے کی سختی سے مذمت کرتے ہوئے اسے مسترد کر دیا تھا اورکہاتھا کہ ایسے بے بنیاد اور انتہا پسند اقدامات اسرائیلی حکام کے غاصبانہ ارادوں کو ظاہر کرتے ہیں۔
