Raza Musani 
غزہ : صیہونی فوج نے شمالی غزہ کے آخری جزوی فعال کمال عدوان اسپتال کو زبردستی خالی کروانے کے بعد آگ لگادی۔ صیہونی فوج نے انسانیت کو پاؤں تلے روندتے ہوئے گذشتہ روز کمال عدوان اسپتال میں درندگی کا بدترین مظاہرہ کیا۔ بڑی تعداد میں اہلکار اسپتال میں گھس گئے اور تباہی مچائی۔
اسرائیلی فورسز نے شمالی غزہ کے اسپتال پر دھاوا بول دیا۔ ساڑھے تین سو افراد کو جبری طور پر باہر نکال دیا اور اسپتال کے ڈائریکٹر سمیت عملے کو حراست میں لے لیا گیا۔ صیہونی درندگی کے نتیجے میں عملے کے کئی افراد اور مریض شہید ہوگئے۔
ادھر صیہونی فوج نے غزہ سٹی کو نشانہ پر رکھ لیا دومکانات اور خیموں کو نشانہ بنایا۔ حملوں میں چودہ فلسطینی شہید اور کئی زخمی ہوگئے۔
بیت حنون پر حملے میں بھی تین فلسطینی جان سے گئے۔ گذشتہ روز شیخ رضوان میں اسرائیلی حملے سے تباہ گھر سے 15میتیں نکال لی گئیں۔باقی ابھی بھی ملبے کے نیچے لاپتہ ہیں۔
