اسرائیلی فوج انتہائی بے رحم ہے، البانیز کا سچ

نیویارک : ااقوام متحدہ کی خصوصی نمائندہ فرانسسکا البانیز نے اسرائیلی فوج کو انتہائی بے رحم فوج قرار دیا ہے۔ فرانسسکا البانیز نے سوشل میڈیا پلیٹ فارم ایکس پر فلسطینی بچے کے ساتھ بدسلوکی کی ویڈیو شیئر کرتے ہوئے اسرائیلی فوج پر شدید تنقید کی ہے۔ انہوں نے کہا کہ دستیاب شواہد کو دیکھنے کے بعد وہ اس نتیجے پر پہنچی ہیں کہ اسرائیلی فوج انتہائی بے رحم ہے۔ انسانی حقوق کونسل سے وابستہ البانیز نے مزید کہا کہ ان کی جانب سے غزہ میں نسل کشی سے متعلق رپورٹ کے بعد انہیں مسلسل دھمکیاں مل رہی ہیں۔ انہوں نے بتایا کہ رپورٹ کی اشاعت کے بعد ان کی زندگی خطرات میں گھری ہوئی ہے اور وہ مستقل خوف کے ماحول میں رہ رہی ہیں۔