Raza Musani 
بیروت : اسرائیلی فوج لبنانی شہر نباطیہ کا محاصرہ کرنے کی پوزیشن میں پہنچ گئی۔ لبنانی وزیراعظم نواف سلام نے اسرائیل کو خبردار کیاہےکہ جلاؤ گھیراؤ کی حکمتِ عملی سے سلامتی نہیں ملے گی۔
اسرائیلی فوج نے جنوبی لبنان میں کارروائیوں کا دائرہ مزید وسیع کر دیا ہے اور زمینی دستے دو ہزار چھ کے بعد پہلی بار دریائے لیطانی عبور کر کے نباطیہ شہر کے مضافات میں پہنچ گئے۔ اس پیش قدمی سے خطے میں کشیدگی مزید بڑھنے کا خدشہ پیدا ہو گیا ہے۔
حزب اللہ نے دعویٰ کیا کہ اس نے نباطیہ کے قریب تین قصبوں میں اسرائیلی افواج کی پیش قدمی کی کوششوں کو ناکام بنادیا ہے۔ ڈرون حملے میں ایک اسرائیلی فوجی ہلاک ہو گیا۔
ادھر لبنانی وزیراعظم نواف سلام نے کہاہےکہ اسرائیل جنوبی لبنان کے قصبوں اور دیہات کو منظم انداز میں تباہ کر رہا ہے، جس کے باعث شہریوں کو اپنے گھربار چھوڑنے پر مجبور ہونا پڑ رہا ہے۔ انہوں نے کہا کہ اسرائیلی فضائی حملوں میں اضافہ نہ تو خطے میں سلامتی لاسکتا ہے اور نہ ہی استحکام پیدا کرتا ہے۔
