اشتعال پر اکسانے والوں کو انصاف کے کٹہرے میں لائیں گے، آرمی چیف

پشاور: آرمی چیف جنرل عاصم منیر نے کہا ہے کہ 9 مئی پر کارروائیوں کے تمام منصوبہ سازوں، مشتعل افراد، اشتعال پر اکسانے اور عمل کرنے والوں کو انصاف کے کٹہرے میں لائیں گے۔ جنرل عاصم منیر نے مزید کہا کہ مسلح افواج اپنی تنصیبات کا تقدس اور سلامتی پامال کرنے کی مزید کوئی کوشش برداشت نہیں کرے گی۔ امن اور استحکام کیلئے اپنی کوششیں جاری رکھیں گے۔ آرمی چیف عاصم منیر نے مزید کہا کہ ’فوج اپنی تنصیبات کے تقدس کی مزید پامالی برداشت نہیں کرے گی۔ان کا کہنا تھا کہ ’ملک میں امن و استحکام کے لیے کوششیں جاری رکھیں گے، امن عمل کو خراب کرنے والوں کی کوئی گنجائش نہیں۔آئی ایس پی آر کا کہنا ہے کہ ’آرمی چیف عاصم منیر نے انفارمیشن وارفیئر اور غلط فہمیاں پھیلانے کی کوششوں کے چیلنجز کے بارے میں آگاہ کیا۔انہوں نے کہا کہ ’دشمن عناصر کی جانب سے مسلح افواج کو نشانہ بنانے کی مذموم کوشش کی جا رہی ہے، عوام کے تعاون سے ایسی کوششوں کو ناکام بنادیا جائے گا۔آرمی چیف کو ملک کی موجودہ سیکیورٹی صورت حال اور انسداد دہشت گردی کی جاری کوششوں بارے بریفنگ دی گئی۔