Raza Musani 
تہران : ولی امر مسلمین آیت اللہ مجتبیٰ خامنہ ای نے حزب اللہ کے سیکریٹری جنرل شیخ نعیم قاسم کے نام پیغام میں کہا ہےکہ مزاحمت کی جدوجہد قربانی اور استقامت حوصلے کی روشن مثال ہے۔ شہداء کی عظیم قربانیاں اس راستے کی سچائی کو ثابت کرتی ہیں۔ انہوں نے لکھا کہ حزب اللہ کی جانب سے تعزیت اور اظہارِ یکجہتی کا پیغام موصول ہوا، جس پر وہ شکر گزار ہیں۔ اسلامی دنیا کے سخت ترین دشمنوں امریکا اور اسرائیل کے خلاف ثابت قدمی شہید رہنماؤں کی نمایاں خصوصیت رہی ہے۔ ولی امر مسلمین نے قاسم سلیمانی سمیت پاسدارانِ انقلاب اور ایرانی فوج کی قربانیوں کو خراجِ عقیدت پیش کرتے ہوئے کہا کہ ان کی شہادتیں مزاحمت کے راستے کی حقانیت کا واضح ثبوت ہیں۔اسلامی مزاحمت کی تاریخ جدوجہد، بہادری اور قربانیوں سے بھری ہوئی ہے، جہاں قیادت نے ہمیشہ سب سے آگے بڑھ کر اپنی جانیں نچھاور کیں۔ اس موقع پر حسن نصر اللہ سمیت دیگر رہنماؤں کا ذکر کرتے ہوئے ان کی قربانیوں کو مزاحمت کی تاریخ کا اہم باب قرار دیا گیا۔
