Raza Musani 
بغداد : عراقی حکام کے مطابق شہید آیت اللہ سید علی خامنہ ای کے جنازے کا مرکزی جلوس بدھ آٹھ جولائی کو نجف اور کربلا میں نکالا جائے گا۔ تقریبات میں لاکھوں عراقیوں اور غیر ملکی وفود کی شرکت متوقع ہے۔ تقریبات کی انتظامی میڈیا کمیٹی کے ترجمان لیفٹیننٹ جنرل سعد معن کے مطابق شہید آیت اللہ سید علی خامنہ ای کا جسدِ خاکی منگل کی سہ پہر نجف پہنچے گا، جہاں ایران اور عراق کے اعلیٰ حکام کی مشترکہ سرکاری تقریب منعقد ہوگی۔ ان کے مطابق عوامی جنازے کا جلوس بدھ کی صبح چھ بجے کوفہ سے نجف کی جانب روانہ ہوگا، جبکہ شام چار بجے کربلا میں امام حسینؑ اور حضرت ابوالفضل العباسؑ کے روضوں سے بھی گزارا جائے گا۔ ترجمان کا کہنا ہے کہ مختلف ممالک کے سرکاری وفود بھی ان تقریبات میں شریک ہوں گے اور زائرین کی خدمت کے لیے عراقی مواکب سمیت تمام انتظامات مکمل کر لیے گئے ہیں۔ عراقی اربعین کمیٹی جنازے کی تقریبات کی نگرانی کر رہی ہے، جبکہ لاکھوں سوگواروں کی آمد کے پیش نظر سکیورٹی اور انتظامی اداروں کو مکمل طور پر الرٹ کر دیا گیا ہے۔ مزید تفصیلات آئندہ چند روز میں ایک پریس کانفرنس کے ذریعے جاری کی جائیں گی۔
