Raza Musani 
تل ابیب : یورپی یونین کے وفد نے 9 مئی کو اسرائیلی دارالحکومت میں یومِ یورپ کی استقبالیہ تقریب اُس وقت منسوخ کردی جب انتہائی دائیں بازو سے تعلق رکھنے والے اسرائیلی قومی سلامتی کے وزیر اتمار بین گویر نے تقریب میں شرکت اور تقریر کرنے کا کہا۔ عالمی میڈیا رپورٹس کے مطابق اسرائیل میں یورپی یونین کے مشن نے سماجی رابطے کی ویب سائٹ ٹویٹر پر تل ابیب میں منعقد ہونے والی تقریب کو منسوخ کرنے کے بارے میں آگاہ کیا۔مشن نے ٹویٹر پر لکھا کہ اسرائیل میں یورپی یونین کا وفد 9 مئی کو یومِ یورپ منانے کا منتظر تھا جیسا کہ ہر سال ہوتا ہے۔ تاہم افسوس کے ساتھ اس سال ہم نے سفارتی استقبال کو منسوخ کرنے کا فیصلہ کیا ہے کیونکہ ہم کسی ایسے شخص کو پلیٹ فارم پر پیش نہیں کرنا چاہتے جس کے خیالات یورپی یونین کے اقدار سے متصادم ہوں۔
