امریکا کی ایران کے ساتھ نئے معاہدے کی کوششیں تیز

واشنگٹن : ٹرمپ انتظامیہ نے ایران کے ساتھ آبنائے ہرمز اور جوہری پروگرام پر مشتمل ایک نئے معاہدے کے لیے کوشش تیز کردی ہے۔فنانشل ٹائمز کے مطابق واشنگٹن جون میں طے پانے والی مفاہمتی یادداشت کی طرف واپسی کے بجائے حتمی اور وسیع معاہدہ چاہتا ہے۔
فنانشل ٹائمز نے مذاکرات سے باخبر ایک سفارت کار کے حوالے سے بتایا کہ امریکا ایران کے ساتھ نیا معاہدہ چاہتا ہے۔ جس میں آبنائے ہرمز کو کھولنے کے ساتھ ساتھ ایران کے جوہری پروگرام کا معاملہ بھی شامل ہوگا۔ سفارت کار کے مطابق امریکا معاہدے کے لیے تیار ہے، لیکن اسے جلدی نہیں ہے اور وہ ایران کی آمادگی کا انتظار کرے گا۔ رپورٹ کے مطابق ایران کشیدگی کو روکنے اور تیل کی نقل و حرکت بحال کرنے کے لئے اسلام آباد مفاہمی یادداشت کو بحال کرنے کی کوشش کر رہا ہے۔