ایرانی آئل ٹینکرز ونیزویلا پہنچانے کاعمل جہاد ی اقدام، ملک کو سرفراز کردیا(ولی امر مسلمین)

آپ نے عظیم کارنامہ انجام دیا ، آپ کا اقدام جہادی اقدام تھا، ملک کو سربلند کر دیا،ولی امر مسلمین کا آئل ٹینکرز ونیزویلا پہنچانے والے عملے کے نام پیغام
جہازوں کا کامیاب مشن استقامتی حکمت عملی کا نتیجہ ہے، سیکریٹری قومی سلامتی، امریکی جھنجلاہٹ ،ایران کے 125جہازوں اور تیل ٹینکرو ں پر پابندی لگادی
تہران(نیوز ڈیسک)ولی امر مسلمین آیت اللہ سید علی خامنہ ای نے تیل سے بھرے آئل ٹینکرز ونیزویلا پہنچانے والے جہازکے عملے کے اقدام کا جہاد ی قرار دیتے ہوئے کہا ہے کہ آپ کے اقدام نے ملک کو سرفراز کردیا،جہاز کے کپتانوں اور عملے کے نام پیغام میں ولی امر مسلمین نے کہاکہ آپ نے عظیم کارنامہ انجام دیا ، آپ کا اقدام جہادی اقدام تھا، آپ نے ملک کو سربلند کر دیا،یاد رہے کہ ایران نے امریکا کی غیرقانونی پابندیوں کو توڑتے ہوئے تیل سے بھرے 5 آئل ٹینکرزکامیابی سے ونیزویلا پہنچائے تھے، تیل ملنے کے بعد کاراکاس حکومت نے اس کی پورے ملک میں فراہم کرنے کا سلسلہ شروع کر دیا ہے، ایران کی اعلی قومی سلامتی کونسل کے سیکریٹری نے ایرانی تیل بردار جہازوں کے کامیاب مشن کو استقامتی حکمت عملی کا نتیجہ قرار دیا ہے، انہوں نے کہا کہ کہ ایران کا محاصرہ کرنے کا خواب دیکھنے والے احمق آج ایران کی طاقت کے حصار میں پھنس گئے ہیں، ٹرمپ اور ان کے خصوصی نمائندے برائین ہک کی مذاکرات کیلئے درخواستیں ہمارے دعوے کا ثبوت ہیں،ادھر امریکا نے ایران کے جہازوں کی کامیاب مہم کے بعد انتقام کے طور پر متعدد ایرانی بحری جہازوں پر پابندی لگادی، امریکی وزارت خزانہ نے ایران کے 125بحری جہازوں اور تیل ٹینکروں کو پابندیوںکی فہرست میں شامل کر لیا ہے۔