صیہوی حکومت سے معاہدے کرنیوالے ممالک جلد اپنے فیصلے پر پچھتائیں گے، عبدالمالک الحوثی

صنعا: انصار اللہ کے رہنما عبدالمالک الحوثی کا کہنا ہے کہ جن عرب ممالک نے صیہونی حکومت کے ساتھ متنازعہ معاہدے کیے ہیں وہ جلد ہی اپنے فیصلے پر اظہار افسوس کریں گے۔ صنعاء میں عالمی یوم القدس پر اپنے خطاب میں عبدالمالک الحوثی نے کہا کہ ہارنے والےجو صیہونی حکومت کے ساتھ تعلقات کو معمول پر لانے کے خواہاں ہیں جلد ہی پشیمان ہوں گے۔ انہوں نے فلسطینی مجاہدین کو شاندار خراج عقیدت پیش کرتے ہوئے کہا کہ اب ہم فلسطینی علاقوں، لبنان اور یمن میں دشمنوں کے خلاف مزاحمت کے ثمرات دیکھ رہے ہیں۔ انہوں نے کہا کہ دشمن کے سامنے سر تسلیم خم کرنا اور مکمل بے عملی ہر معنی میں غلط ہے۔ بعض مسلم ممالک میں لوگ اپنی حکومتوں کے جابرانہ موقف کی وجہ سے بے بس ہیں اور فلسطینی کاز پر اپنا موقف بیان کرنے سے قاصر ہیں۔