بہترین صدقہ

بعض اوقات انسان صرف اپنی ذات کے لیے آسانیاں پیدا کرنے میں اتنا غرق ہو جاتا ہے کہ اسے دوسروں کے دکھ درد اور پریشانیوں کا احساس ہی نہیں ہوتا۔

رسول خدا(ص) نے اس سلسلے میں ہماری یوں رہنمائی فرمائی: وہ چیزیں جو مسلمانوں کی راہ میں اذیت و آزار کا باعث ہیں انہیں ہٹائیں! یہ کام تمہارے لیے صدقہ ہے۔

مختصر وضاحت
جیسے راستے سے پتھر ہٹانا، مقروض کے قرض کی ادائیگی، پریشان حال سے ہمدردی اور اسی طرح فرقہ واریت بھی، جو کہ مسلمانوں کے لیے انتہائی دشواریوں کا باعث ہے لہذا ہر وہ چیز جو امت مسلمہ کے اتحاد میں رکاوٹ بنے اسے دور کرنے کی حتی المقدور کوشش کرنی چاہیے۔