صومالی لینڈ میں اسرائیلی سفیر کا تقرر صومالیہ کی سالمیت کی پامالی ہے، مسلم مالک

جدہ: متعدد مسلم اور عرب ممالک نے صومالی لینڈ میں اسرائیلی سفیر مقرر کرنے کے اقدام کو صومالیہ کی خودمختاری اور علاقائی سالمیت کی کھلی خلاف ورزی قرار دیا ہے۔
فلسطین، سعودی عرب، مصر، اردن، صومالیہ، ترکیہ، انڈونیشیا اور پاکستان کے وزرائے خارجہ نے مشترکہ بیان میں کہاہےکہ صومالی لینڈ میں سفارتی نمائندہ مقرر کرنا یکطرفہ اقدام ہے جو ریاستوں کی وحدت اور خودمختاری کو نقصان پہنچاتا ہے۔ بیان میں صومالیہ کی وحدت، خودمختاری اور علاقائی سالمیت کے لیے مکمل حمایت کا اعادہ کیا گیا اور کہا گیا کہ صومالی ریاستی ادارے ہی عوام کی نمائندگی کے واحد جائز حقدار ہیں۔ وزرائے خارجہ نے خبردار کیا کہ اس طرح کے اقدامات افریقہ کے مشرقی خطے میں خطرناک مثال قائم کریں گے۔بیان میں کہا گیا کہ یہ پیش رفت خطے کے امن و استحکام کو متاثر کر سکتی ہے اور سکیورٹی صورتحال کو مزید پیچیدہ بنا سکتی ہے۔