مقبوضہ سرزمین کا الحاق کسی صورت قبول نہیں،اردن

عمان (نیوز ڈیسک) اردن کے وزیر خارجہ ایمن الصفدی نے کہا کہ فلسطینی سرزمین کے کسی بھی حصے کے اسرائیل میں الحاق کے منصوبے کی ان کا ملک حمایت نہیں کرے گا ، یہ مسئلہ، اردن اور صہیونی حکومت کے درمیان کشیدگی پیدا کر دے گا،ایمن الصفدی نے امریکی وزیر خارجہ مائیک پو مپیو سے ٹیلیفونک گفتگو میں کہا کہ علاقہ ہی نہیں بلکہ پوری دنیا کے لئے منصفانہ امن بہت ضروری ہے ،انہوں نے اس ٹیلیفونک گفتگو میں بحران فلسطین کے حل کے لئے دوبارہ مذاکرات شروع کرنے کی بات کی۔