امریکی محاصرہ توڑ دیا، ایرانی آئل ٹینکرز ونیزویلا پہنچ گئے

امریکا کی پانچ آئل ٹینکرز پر مشتمل بحری بیڑا ونیزویلا بھیجنے کی شدید مخالفت، طاقت سے روکنے کی دھمکی ،ایران کا جوابی کارروائی کا عندیہ
وسیع ذخائر کی موجودگی میں ونیزویلا ایران سے تیل کی خریداری پر مجبور،تیل کی دولت سے مالا مال ونیزویلا کی آئل ریفائنریاں بند ہوچکی ہیں
کاراکس (نیوز ڈیسک) ایران نے امریکی محاصرے کو توڑتے ہوئے تیل سے بھرے 3 ٹینکر ونیزویلا پہنچادئے ، پانچ آئل ٹینکرز پر مشتمل بحری بیڑا ونیزویلا بھیجنے کی امریکا نے شدید مخالفت کی تھی اور کہا تھا کہ وہ جنگی بحری بیڑوں کے ذریعے ایرانی آئل ٹینکرز کا راستہ روک دے گا جس پر ایران نے شدید ردعمل ظاہر کرتے ہوئے جوابی کارروائی کا عندیہ دیا تھا،امریکی پابندیوں کی وجہ سے تیل کی دولت سے مالا مال ونیزویلا کی آئل ریفائنریاں بند ہوچکی ہیں اور وہ تیل کے وسیع ذخائر کی موجودگی میں ایران سے تیل کی خریداری پر مجبور ہو چکا ہے،پہلا جہاز فارچون ونیزویلا کی سمندری حدود میں داخل ہواتو اسے ونیزویلا کی بحریہ اور فضائیہ مذکورہ ایرانی بحری جہاز کو اپنی حفاظتی حصار میں لے لیا اور اسے بندرگاہ تک پہنچایا ، امریکی جنگی بحری جہاز ایڈم جوزف نے اس کا تعاقب کیا تاہم ایرانی آئیل ٹینکر کے ونیزویلا کی سمندری حدود میں داخل ہونے کے بعد اس سے پیچھے ہٹ گیا،اب تک تین آئل ٹینکرز ونیزویلا پہنچ چکے ہیں جبکہ باقی دو ٹینکر جلد پہنچ جائیں گے،دوسری جانب ونیزویلا کے عوام کی جانب سے سوشل میڈیا پر ہسپانوی زبان میں ہیش ٹیگ شکریہ ایران ٹرینڈ کر رہا ہے جس کے ذریعے وہ ایران کا خیر مقدم کر رہے ہیں،وینزویلا کے پیٹرولیم کے وزیر نے بھی کاراکاس کے لئے تیل بھیجنے پر تہران کا شکریہ ادا کیا ہے۔