Raza Musani 
نابلس : مقبوضہ فلسطین میں نوجوان کی شہادت پسندانہ کارروائی میں دو صیہونی آبادکار ہلاک ہوگئے۔ نابلس کے علاقے حوارہ میں مسلح فلسطینی جوان نے آباد کاروں کی کار پر گولیاں برسائیں۔ ہلاک ہونیوالے دونوں افراد کی عمریں 20 سال سے زیادہ ہیں۔ دوسری جانب نابلس کے جنوبی گاؤں زاتارا میں اسرائیلی آباد کاروں نے فائرنگ کرکے ایک فلسطینی کو شہید کردیا۔ جس کی شناخت 37 سالہ سمیع اقطاش کے نام سے ہوئی ہے۔اس سے پہلے صیہونی آباد کاروں نے ہیبرون شہر میں فلسطینی خاتون اور اس کے بچوں پرحملہ کرکے زخمی کردیا۔نابلس کے جنوب میں واقع گاؤں حوار میں فلسطینی شہری دفاع کے دو اہلکار اسرائیلی آباد کاروں کےحملے میں زخمی ہوگئے۔ مقبوضہ مغربی کنارے کے شہر بیت اللحم کے قصبے طوق میں فلسطینی نوجوان کو اسرائیلی فورسز نے گولی مارکر زخمی کردیا۔ صیہونی فوج نے الشورافہ کے علاقے میں دھاوا بولا۔ساؤنڈ بم برسائے اور آنسو گیس کے گولے داغے۔ اس دوران جھڑپوں میں گولیاں لگنے سے 22 افراد زخمی ہوگئے۔
