Raza Musani 
کوئٹہ : مجلس وحدت مسلمین کوئٹہ کے جنرل سیکریٹری ارباب لیاقت علی ہزارہ نے اپنے بیان میں فاطمہ جناح روڈ پر ہزارہ شیعہ افراد کی دکان پر حملے اور دھماکے کی شدید الفاظ میں مذمت کرتے ہوئے کہا ہے کہ ایسے واقعات رونما ہونا اداروں اور سیکیورٹی فورسز کی نااہلی کا نتیجہ ہے۔ انہوں نے مطالبہ کیا ہے کہ دہشت گردی میں ملوث قاتلوں اور ان کے سہولت کاروں کو جلد از جلد گرفتار کر کے کیفر کردار تک پہنچایا جائے۔ انہوں نے کہا کہ جو سی سی ٹی وی فوٹیج بم دھماکے کی ویڈیو منظر عام پر لا سکتی ہے، اس کے ذریعے قاتلوں کی پہچان کیوں نہیں ہو سکتی۔ اس واقعہ میں انتظامیہ نے غفلت برتنے کی کوشش کی تو عوام الناس پر قابو قائم رکھنا دشوار ہوجائے گا۔ انہوں نے مزید کہا کہ آج سے 22 سال پہلے شروع ہونے والے اس سلسلے کو ختم کرنا ہوگا۔ اپنے بیان کے آخر میں انہوں نے زخمیوں کی جلد صحت یابی اور شہداء کے بلند درجات کیلئے دعا کی.
