افغانستان سے دہشت گردوں کی دراندازی ناکام، فائرنگ سے 4 سپاہی شہید

حسن خیل : پاک فوج نے افغانستان سے دہشت گردوں کے پاکستان میں داخلے کی کوشش ناکام بنادی جھڑپوں میں چار سپاہی شہید ہوگئے۔ آئی ایس پی آر کے مطابق دہشت گردوں نے شمالی وزیرستان کے علاقے حسن خیل سے دراندازی کی کوشش کی پاک افغان بارڈر پر موثر نگرانی اور فوری ردعمل کی وجہ سے دہشت گردوں کی کوشش ناکام بنادی گئی۔ دراندازی کی کوشش ناکام ہونے پر دہشت گردوں نےفائرنگ شروع کردی فورسز نے دہشت گردوں کی فائرنگ کا بھرپور جواب دیا۔ انٹیلی جنس اطلاعات کے مطابق سرحد پار دہشت گردوں کا بھاری نقصان ہوا۔ فائرنگ کے شدید تبادلے میں بہادری سے لڑتے 4 سپاہیوں نے جام شہادت نوش کیا جس میں لانس حوالدار وجاہت عالم، سپاہی ساجد عنایت، سپاہی مقبول حیات، سپاہی ساجد علی شامل ہیں.