Raza Musani 
تل ابیب: اسرائیل میں متنازع عدالتی اصلاحات کے خلاف مسلسل اکیس ویں ہفتے بھی بڑے پیمانے پر احتجاجی مظاہرے کئے گئے۔ اسرائیل کے دارالحکومت تل ابیب میں سینکڑوں افراد متنازع عدالتی اصلاحات کیخلاف سڑکوں پر نکل آئے۔ عدالتی اصلاحات کی مذمت کی اور اسے واپس لینے کا مطالبہ کیا۔ مظاہرین نے بینرز اٹھا رکھے تھے جس پر حکومت کے متنازع اقدامات کیخلاف نعرے درج تھے۔ تل ابیب کے علاوہ حیفا اور بیر السبع کے ساتھ ساتھ ملک بھر کے درجنوں دوسرے مقامات پر بھی مظاہرے کئے گئے اور ریلیاں نکالی گئیں۔ مظاہرین نے مجوزہ عدلیہ اصلاحات کو جمہوریت کے لیے خطرہ قرار دیا۔ یاد رہے نیتن یاہو حکومت کا اصلاحاتی منصوبہ سپریم کورٹ کے اختیارات کو محدود کرتا ہے اور ججوں کے انتخاب میں سیاستدانوں کو زیادہ اثر و رسوخ فراہم کرتا ہے۔ جنوری سے ملسل عدالتی اصلاحات کیخلاف ریلیاں نکالی جارہی ہیں اور مظاہرے کئے جارہے ہیں۔
