ایران کے ساتھ مذاکرات مثبت انداز میں آگے بڑھ رہے ہیں، ٹرمپ

واشنگٹن : امریکی صدر ڈونلڈ ٹرمپ نے ایک بار پھر دعویٰ کیا ہے کہ ایران کے ساتھ مذاکرات مثبت انداز میں آگے بڑھ رہے ہیں اور رواں ہفتے کے اختتام تک کسی پیشرفت یا معاہدے کا امکان موجود ہے۔ امریکی صدر ڈونلڈ ٹرمپ نے صحافیوں سے گفتگو میں دعویٰ کیا کہ زیرِ غور معاہدے کے تحت ایران کے اعلیٰ درجے کے افزودہ یورینیم کے ذخائر امریکا کے حوالے کیے جائیں گے اور یہ مواد ایران کی سرحدوں کے اندر نہیں رہے گا۔ امریکی صدر نے ایک بار پھر کہا کہ ان کا بنیادی مقصد ایران کو جوہری ہتھیار حاصل کرنے سے روکنا ہے۔ امریکی صدر نے کہا کہ معاہدہ ہوتے ہیں آبنائے ہرمز مکمل کھل جائے گی، آبنائے ہرمز اور لبنان کے معاملے کو الگ رکھنے کی کوشش کررہے ہیں، حزب اللہ نے بھی یقین دہانی کرائی کہ وہ اسرائیل پر حملہ نہیں کرے گا۔