Raza Musani 
کابل : افغانستان میں طالبان حکام نے ایران سے دوستانہ تعلقات پر زور دیتے ہوئے 1973 کے معاہدہ کو آبی تنازع کا بہترین حل قرار دیا ہے۔ وزیراعظم سیاسی کمیشن کے ارکان نے اپنے اجلاس میں پڑوسیوں بالخصوص ایران کے ساتھ اچھے تعلقات اور 1973 کے آبی معاہدے کی پاسداری پر زور دیا۔ وزیر اعظم کے سیاسی مشیر محمد حسن حقیار نے کہا کہ معاہدے کے تمام قانونی پہلوؤں کا جائزہ لیا جائے گا تاکہ ہر ایک کو ان کے حقوق مل سکے۔ وزارت توانائی کے ترجمان عبداللطیف منصور نے کہا کہ اجلاس کے دوران ہلمند آبی معاہدے کا جائزہ لیا اور فریقین نے آبی معاملے پر تفصیلی خیالات کا تبادلہ کیا۔ ایرانی وزیر داخلہ احمد واحدی نے دریائے ہلمند میں پانی کی کمی کے طالبان کے بیانات کو مسترد کرتے ہوئے کہا تھا کہ موجودہ رپورٹس دعوؤں کے برعکس ہیں اسی لئے حکام کے فیلڈ وزٹ کی تجویز ہے جس مسئلہ حل ہو جائے گا۔
