ایس ٹی سی یمن کے مشرقی صوبوں سے فوری پسپا ہوجائے، سعودیہ

ریاض : سعودی عرب نے یمن کے علیحدگی پسند گروپ جنوبی عبوری کونسل ایس ٹی سی سے دو مشرقی صوبوں سے فوری پسپائی کا مطالبہ کیا ہے۔
سعودی وزارت خارجہ نے کہا ہے کہ جنوبی عبوری کونسل کی حضر موت اور المہرہ کی گورنری میں ایس ٹی سی کی فوجی نقل و حرکت یکطرفہ تھی اور صدارتی قیادت کونسل کی منظوری یا سعودی زیرِ قیادت اتحاد سے رابطہ کاری کے بغیر کی گئی جس کے نتیجے میں سعودی سرحد کے نزدیک بلاجواز اشتعال پھیلا۔
وزارت نے تمام یمنی فریقین سے تعاون اور تحمل کا مظاہرہ کرنے پر زور دیا تاکہ سلامتی اور استحکام متاثر نہ ہو۔ سعودی عرب نے کہا کہ دوبارہ سابقہ حالات بحال کرنے کی کوششیں جاری ہیں اور امن برقرار رکھنے کے لیے دونوں گورنریوں سے ایس ٹی سی افواج کا فوری اور منظم انخلاء ضروری ہے۔