Raza Musani 
بغداد: اربعین مارچ کو پر امن بنانے کیلئے حشد الشعبی نے وسیع پیمانے پر بڑا آپریشن شروع کر دیا ہے۔ حشد الشعبی کی ٹاسک فورس فرات کی کمیٹی کے صدر سجاد الاسدی نے کہا ہے کہ کارروائی کا مقصد بعض علاقوں کا جائزہ لینا اور انہیں پر امن بنانا ہے۔ یہ آپریشن بابل کے شمالی علاقوں، کربلائے معلیٰ کے شمالی اور جنوبی علاقوں اور صحرائے نجف اشرف میں امن و امان کی برقراری کیلئے 20 دن تک جاری رہے گا، آپریشن کا مقصد اربعین ابا عبداللہ الحسین علیہ السلام کے چہلم سے قبل زائرین کو مکمل طور پر سیکیورٹی فراہم کرنا ہے۔
