Raza Musani 
موغادیشو: صومالیہ میں افریقی یونین کے امن فوجیوں کی رہائش گاہ پر الشباب کے حملے میں یوگنڈا کے 54 فوجی ہلاک ہوگئے۔ یوگنڈا کے صدر یوویری موسیوینی کا یہ اعلان الشباب کے حملے کے ایک ہفتے بعد سامنے آیا ہے۔ الشباب کے جنگجو 26 مئی کو صومالیہ کے دارالحکومت موغادیشو سے ایک سو تیس کلومیٹر دور بلامیر کے اڈے میں گھس گئے تھے۔ یوگینڈا کے صدر نے کہا کہ القاعدہ سے منسلک گروپ نے فوجی اڈے پر قبضہ کرلیا تھا۔ یوگنڈا پیپلز ڈیفنس فورسز نے خود کو دوبارہ منظم کرکے اڈے پر دوبارہ کنٹرول حاصل کرلیا۔ لڑائی میں یوگینڈا کی جانب سے ہلاکتیں ہوئی ہیں تاہم انہوں افریقی یونین کی امن افواج کےنقصان کے بارے میں کچھ نہیں بتایا۔ اس سے پہلے الشباب نے دعویٰ کیا تھا کہ حملے میں 137 فوجیوں کو ہلاک کیا گیا ہے۔
