Raza Musani 
غزہ : اسرائیل کی جانب سے رفح پر زمینی حملے کے اعلان کے بعد مصری صدر سیسی نے فلسطینیوں کے غزہ سے جبری انخلا کی مخالفت کردی ہے۔ مصری صدر کا کہنا تھا کہ رفح سے فلسطینیوں کی جبری مصر بے دخلی کو قبول نہیں کیا جائے گا۔ایسی کسی بھی کوشش کو اسرائیل کے ساتھ امن معاہدے کا خاتمہ تصور کریں گے۔اسرائیل رفح کے شہریوں کو محفوظ راستہ فراہم کرے اور ان کی رہائش کا بندوبست کرے۔مصری سرزمین کی جانب فسلطینیوں کو دھکیلنے کی کسی بھی کوشش کو کامیاب نہیں ہونے دیں گے اور ضرورت پڑنے پر ایسی کوشش کو مصر طاقت سے بھی روکے گا۔ مصری صدر کا مزید کہنا تھا کہ غزہ میں مستقل جنگ بندی اور دوریاستی حل ہی مشرق وسطیٰ میں دیرپا امن کا سبب بن سکتے ہیں۔
