افغانستان میں شیعہ پھر نشانہ پر، بم دھماکوں میں 23 افراد شہید، متعدد زخمی

کابل: افغانستان میں شیعہ ایک بار پھر تکفیری دہشت گردوں کا نشانہ بن گئے۔ کابل کی مسجد اور مزار شریف میں مسافر گاڑیوں میں چار بم دھماکوں میں 23 افراد شہید اور متعدد زخمی ہوگئے۔ کابل کی مسجد ذکریا میں اس وقت دھماکا ہو ا جب مغرب کی نماز ادا کی جارہی تھی۔ اسپتال انتظامیہ کے مطابق 11 لاشیں اور ایک درجن سے زائد زخمیوں کو لایا گیا ہے۔ دھماکا خیز مواد مسجد کے منبر کے اندر رکھا گیا۔شمالی صوبہ بلخ کے شہر مزار شریف کے شیعہ اکثریتی علاقے میں3 منی بسوں میں بم دھماکے ہوئے جس میں 4 خواتین سمیت 12 افراد شہید اور ایک درجن سے زائد زخمی ہوئے۔ دہشت گرد جماعت داعش نے ذمہ داری قبول کرلی۔