Raza Musani 
مزار شریف : افغان صوبہ بلخ کے شہر مزار شریف میں ایک بار پھر شیعہ ہزارہ برادری کو نشانہ بنایا گیا۔ شیعہ آبادی میں دو بم دھماکوں میں 9 افراد شہید اور 13 زخمی ہوگئے۔ میڈیا رپورٹ کے مطابق پہلا دھماکا روضہ سخی میں سٹی بس اسٹاپ کے نزدیک افطار کے اوقات میں ہوا۔ جبکہ دوسرا دھماکا سجادیہ علاقے میں تعلیمی ادارے کے قریب ہوا۔ بلخ کے ابو علی سینا اسپتال کے حکام کا کہنا ہےکہ 9 افراد کی لاشیں اور 13 زخمیوں کو اسپتال لایا گیا۔ گزشتہ جمعرات کو بھی مزار شریف کی مسجد میں خودکش حملے میں 33 افراد شہید اور سو سے زائد زخمی ہوئے تھے۔
