Raza Musani 
قطیف: سعودی فوجیوں نے القطیف اور العوامیہ پردھاوا بول کر دس شیعہ نوجوانوں کو گرفتار کرلیا ہے۔ انسانی حقوق کے لیے کام کرنے والی ایک تنظیم کے مطابق سعودی فوجی بکتر بندگاڑیوں کے ساتھ شیعہ آبادی والے علاقوں العوامیہ اور القطیف میں داخل ہوئے اور لوگوں میں دہشت پھیلانے کے لیے ہوائی فائرنگ کی۔ سعودی فوجیوں نے کم سے کم دس شیعہ نوجوانوں کو گرفتار کرکے نامعلوم مقام پر منتقل کردیا ہے اور ان کے بارے میں کسی کو معلومات فراہم نہیں کی جارہی ہیں۔ عدالتی حکم اور وارنٹ کے بغیر انجام پانے والی ان گرفتاریوں کا مقصد ملک کی شیعہ آبادی کو خوفزدہ کرنا بتایا گیا ہے جو کافی عرصے سے اپنے سماجی، اقتصادی، سیاسی اور مذہبی حقوق کے لیے پرامن تحریک چلا رہے ہیں۔
