سعودی عرب کی یمن میں انصار اللہ کے خلاف بڑے فوجی آپریشن کی تیاری

لندن: برطانوی اخبار گارڈین نے دعویٰ کیا ہے کہ سعودی عرب یمن میں انصار اللہ کے خلاف ایک بڑے فوجی آپریشن کی تیاری کر رہا ہے، جس میں زمینی اور بحری دونوں محاذوں پر کارروائی کا امکان ظاہر کیا گیا ہے۔ گارڈین کے مطابق مجوزہ آپریشن کا بنیادی مقصد بحیرۂ احمر میں تیل کی برآمدات اور عالمی جہاز رانی کو درپیش رکاوٹوں کا خاتمہ کرنا ہے۔ رپورٹ میں کہا گیا ہے کہ سعودی عسکری حکام مختلف فوجی منصوبوں پر غور کر رہے ہیں اور وسطی یمن ممکنہ کارروائی کا مرکزی میدان بن سکتا ہے۔ رپورٹ کے مطابق، اگر یہ منصوبہ عملی شکل اختیار کرتا ہے تو یمن کی جنگ ایک نئے اور زیادہ خطرناک مرحلے میں داخل ہو سکتی ہے، جس کے اثرات صرف یمن تک محدود نہیں رہیں گے بلکہ پورے مشرقِ وسطیٰ اور عالمی توانائی کی منڈیوں پر بھی پڑ سکتے ہیں۔