Raza Musani 
لندن : برطانوی خبر ایجنسی رائٹرز نے دعویٰ کیا ہےکہ پاکستان نے یمن سے سعودی عرب پر حملوں پر شدید تشویش کا اظہار کرتے ہوئے ایران کو سخت پیغام دیا ہے اور واضح کیا ہے کہ سعودی عرب پاکستان کی سرخ لکیر ہے۔ رائٹرز کے مطابق پاکستان کی اعلیٰ سول اور عسکری قیادت نے ایران پر واضح کیا ہے کہ سعودی عرب پر کیا گیا کوئی بھی حملہ پاکستان پر حملہ تصور ہوگا۔ پاکستانی سکیورٹی تجزیہ کاروں کا کہنا ہے کہ اسلام آباد کو خدشہ ہے کہ موجودہ صورتحال خطے میں بڑے تصادم کی شکل اختیار کر سکتی ہے۔ پاکستانی حکام کے مطابق سعودی عرب اور یمن کی سرحد کے قریب پاکستانی فوجی تعینات ہیں، جس کے باعث ان کی سلامتی سے متعلق خدشات بھی بڑھ گئے ہیں۔ نیوز ایجنسی کے مطابق اس صورتحال سے امریکا اور ایران کے درمیان مستقبل میں پاکستان کے ممکنہ ثالثی کردار کو بھی پیچیدگیاں لاحق ہوسکتی ہیں۔
