Raza Musani 
صنعا : انصار اللہ یمن کے ترجمان یحییٰ سریع نے کہا ہے کہ سعودی جنگی طیاروں نے یمن میں گزشتہ چوبیس گھنٹوں کے دوران باون فضائی حملے کیے ہیں۔ حملوں میں اسکولوں، پلوں اور سڑکوں سمیت شہری بنیادی ڈھانچے کو نشانہ بنایا گیا۔ یحییٰ سریع نے کہا کہ سعودی فضائی حملے یمن کے تعز، الجوف، البیضاء، صعدہ اور عمران گورنریٹس میں کیے گئے۔ ترجمان کے مطابق تعز گورنریٹ میں حملوں کا نشانہ شہری بنیادی ڈھانچہ بنا۔ ان کے مطابق اسکولوں، پلوں اور سڑکوں سمیت شہری تنصیبات کو بھی سعودی فضائی حملوں میں نشانہ بنایا گیا۔ یحییٰ سریع نے سعودی حملوں کو وحشیانہ قرار دیتے ہوئے ان کی مذمت کی۔ انہوں نے خبردار کیا کہ ان حملوں کا جواب دیا جائے گا۔
