Raza Musani 
ماسکو: روس نے یوکرین کی سرحد کے ساتھ دراندازی کی تین کوششوں کو پسپا کر دیا۔ کارروائی میں تیس جنگجو مارے گئے۔ روس نے دعویٰ کیا ہے کہ یوکرینی جنگجوؤں نے اپنی سرحد سے روس سے ملحقہ علاقے میں دراندازی کی کوشش کی۔ جسے روسی فوج نے ناکام بنادیا۔ کارروائی کے دوران تیس جنگجو مارے گئے اور کئی زخمی ہوگئے۔ علاقے میں شدید گولہ باری کی وجہ سے شہریوں کا جزوی انخلاء شروع ہوگیا ہے۔ اس سے پہلے روسی فوج نے کیف کے مشرقی علاقوں کو اپنے فضائی حملے کا نشانہ بنایا۔حملے میں تین افراد ہلاک اور دس زخمی ہوگئے۔دنیپرو اور دیسنیانسکی
میں عمارتوں کو نقصان پہنچا اور ان میں آگ لگ گئی۔ حملے میں ہلاک ہونے والوں میں دو بچے بھی شامل ہیں۔ یوکرینی حکام کا دعویٰ ہے کہ دفاعی سسٹم نے تمام راکٹوں کو مار گرایا ۔ نقصان راکٹوں کا ملبہ گرنے سے ہوا۔ دوسری جانب امریکا نے یوکرین کیلئے تیس کروڑ ڈالر کے ایک اور سیکیورٹی پیکج کا اعلان کردیا۔
