روس جوہری تنازع پر امریکا اور ایران میں ثالثی کیلئے تیار

ماسکو: روس نے جوہری تنازع پر ایران اور امریکہ کے درمیان ثالثی سے اتفاق کرلیا۔ امریکی اخبار بلوم برگ کی رپورٹ میں کہاگیاہے کہ گذشتہ ماہ امریکی صدر ڈونلڈ ٹرمپ نے روسی ہم منصب پیوٹن سے ٹیلی فونک رابطے میں ایران کے جوہری پروگرام پر بات چیت کی تھی بعد میں امریکہ اور روس نے سعودی عرب میں ملاقات کے دوران بھی تبادلہ خیال کیا۔ کریملن کے ترجمان دمتری پیسکوف نے بلومبرگ کو بتایا کہ روس کا خیال ہے کہ امریکہ اور ایران کو تمام مسائل کو مذاکرات کے ذریعے حل کرنا چاہیے۔ ماسکو ہر ممکن تعاون کیلئے تیار ہے۔ وائٹ ہاؤس کے ایک گمنام اہلکار نے بلومبرگ کو بتایا کہ روس نے اس کردار کو ادا کرنے کی پیشکش کی۔