Raza Musani 
ماسکو: روس نے یوکرین کے مختلف شہروں پر میزائلوں کی بارش کردی۔ روسی فوج نے بحیرہ اسود کی بندرگاہ اوڈیسا اور شمال مشرقی شہر خارکیو سمیت مختلف شہروں پر میزائل برسائے۔ یوکرینی حکام کا کہناہے کہ روس نے توانائی کے بنیادی ڈھانچے کو نشانہ بنایا، اوڈیسا کے گورنر نے کہا کہ میزائل حملے میں توانائی کی تنصیب کو نشانہ بنایا گیا جس سے بجلی منقطع ہو گئی۔ رہائشی علاقے بھی متاثر ہوئے تاہم کوئی جانی نقصان نہیں ہوا۔ خارکیف کے گورنر کا کہنا ہے کہ شہر کے 15سے زیادہ مقامات نشانہ بنے دنیپر۔ لوٹسک اور ریونے پر بھی میزائل حملہ کیا گیا۔اس سے پہلے روس کے ویگنر گروپ نے باخموت کے مشرقی حصے پر مکمل کنٹرول کا دعویٰ کیا تھا۔ ویگنر گروپ کے بانی یوگینی پریگوزن نے کہا ہے کہ باخموت کا مشرقی علاقہ اور دریا کے کنارے ہر چیز مکمل طور پر ویگنر کے کنٹرول میں ہے۔
