فساد فی الارض، ایرانی نژاد جرمن شہری کو سزائے موت

تہران : ایرانی عدلیہ نے جرمن شہریت رکھنے والے ایرانی شہری جمشید شرمہد کو سزائے موت سنادی۔ایرانی عدلیہ نے جمشید شرمہد کو زمین پر فساد پھیلانے کی منصوبہ بندی اور دہشت گردی کی کارروائیوں کی قیادت کا مجرم ٹہرایا ہے۔ وہ ٹونڈر کے نام سے مشہور دہشت گرد گروپ کا رہنما ہیں، جنہوں نے 23 دہشت گرد حملوں کی منصوبہ بندی کی تھی۔ 2008 میں شیراز کی مسجد پربم حملہ میں 14 افراد کی ہلاکت سمیت پانچ حملے کامیاب رہے۔امریکا میں رہنے والے 67 سالہ شرمہد کے بارے میں خیال کیا جاتا ہے کہ اسے ایرانی ایجنٹوں نے 2020 میں دبئی سے پکڑا اور پھر عمان کے راستے ایران لے گئے، جرمن وزیر خارجہ نے سزا کی مذمت کرتے ہوئے اسے قطعی ناقابل قبول قرار دیا۔