حماس کے غزہ منصوبے پر بورڈ آف پیس کے بیان پر تحفظات

غزہ : حماس نے غزہ منصوبے پر بورڈ آف پیس کے بیان پر تحفظات کا اظہار کرتے ہوئے کہاہےکہ جنگ بندی کے دوسرے مرحلے کے نفاذ سے متعلق طے پانے والے امور پر قائم ہیں۔حماس نے ایک بیان میں کہاہےکہ بورڈ آف پیس کے اس مؤقف پر تنظیم میں شدید بے چینی پائی جاتی ہے جس میں اسرائیلی فوج کے انخلا کو ہمارے مکمل غیر مسلح ہونے سے مشروط کیا گیا ہے۔ بیان میں کہا گیاہےکہ حماس اور دیگر فلسطینی دھڑے جنگ بندی کے معاہدے کے دوسرے مرحلے کے نفاذ سے متعلق طے پانے والے تمام امور پر سختی سے قائم ہیں جن میں تمام فریقین کی ذمہ داریاں بھی شامل ہیں۔