Raza Musani 
جنین : صیہونی وزرا اور حکام نے جنین کے جنوب میں صانور بستی کی ازسرنو آباد کاری شروع کردی۔ حماس نے اسے خطرناک اور اشتعال انگیز قدم قرار دیاہے۔
صانور بستی کو 2005ء میں خالی کیا گیا تھا تاہم دو ہزار تئیس میں اسرائیلی پارلیمنٹ نے یہاں دوبارہ آبادکاری کی منظوری دیدی۔ اسرائیلی وزیر دفاع اسرائيل کاٹز اور وزیر خزانہ بزالیل اسموٹریچ نے حکام کیساتھ آبادکاری منصوبے کا افتتاح کیا۔ اس موقع پر انتہائی سخت سکیورٹی اقدامات کئے گئے تھے۔
حماس رہنما محمود مرداوی نےکہا کہ صانور بستی کا افتتاح آباد کاری کے ایسے بے مثال پھیلاؤ کی عکاسی کرتا ہے جو الحاق کے منصوبوں اور فلسطینی زمینوں پر مکمل قبضے کے فریم ورک کا حصہ ہے۔ انہوں نےکہا کہ اسرائیلی اقدام کا مقصد مغربی کنارے میں فلسطینی وجود کو نشانہ بنانا اور اسے یہودی رنگ میں رنگنا ہے.
