ڈنمارک میں قرآن سوزی، مسلم دنیا میں شدید غم و غصہ کی لہر

کوپن ہیگن : سوئیڈن کے بعد ڈنمارک میں قرآن سوزی کے شرمناک اقدام پر مسلم دنیا میں غم و غصے کی لہر دوڑ گئی ہے۔ ڈنمارک کے دارالحکومت کوپن ہیگن میں مسلم دشمن تنظیم پیٹریاٹرن گار لائیو کے حامیوں نے ترک سفارت خانے کے سامنے قرآن مجید کے نسخے اور ترکیہ کا پرچم جلادیا۔ ترکیہ کی وزارت خارجہ نے واقعے کی مذمت کرتے ہوئے اسے نفرت انگیز جرم قرار دیا ہے۔ کویت کی وزارت خارجہ نے کہاکہ مجرموں کو جواب دہ ٹھہرانا چاہیے اور اس بات کو یقینی بنایا جائے کہ اظہار رائے کی آزادی اسلام یا کسی دوسرے مذہب کی توہین کے لیے استعمال نہ کی جائے۔اردن کی وزارت خارجہ کے ترجمان سنان مجالی نے کہا ہے کہ اس اقدام نے نفرت اور نسل پرستی کو ہوا دی۔ اسے آزادی اظہار رائے نہیں سمجھا جا سکتا۔ خلیج تعاون کونسل۔ سعودی عرب ۔ ایران ۔ قطر۔ مراکش اور عرب امارات سمیت بیشتر مسلم ممالک نے واقعہ کی مذمت کرتے ہوئے ڈنمارک سے ایسے نفرت انگیز واقعات روکنے کا مطالبہ کیا ہے۔