Raza Musani 
کوئٹہ : کوئٹہ میں فاطمہ جناح روڈ پر جوتوں کی دکان پر ریمورٹ کنٹرول بم دھماکے میں قائم مقام ڈی ایس پی کرائم برانچ اور دو دکاندار جاں بحق جبکہ 25 سے زائد زخمی ہوگئے دھماکے سے قریبی عمارتوں اور دکانوں کے شیشے ٹوٹ گئے چار کلو دھماکہ خیزمواد کو ریمورٹ کنٹرول کے ذریعے اڑا گیا ،نامعلوم افراد نے دھماکہ خیز مواد بیگ میں ڈال کر دکان میں رکھ دیا ، رش بڑھنے پر ریموٹ کنٹرول سے اڑا دیا، زخمیوں میں 2 پولیس اہلکار بھی شامل ہیں. پولیس کے مطابق دھماکے سے قبل دکان میں جھگڑا ہوا پولیس رش کو کم کرا رہی تھی کہ دکان میں زور دار دھماکہ ہوا اور آگ بھڑک اٹھی ۔ دھماکےسے کرائم برانچ کا قائم مقام ڈی ایس پی اجمل ٗ دکاندار علی محمد اور اس کا ساتھی موقع پر ہی جاں بحق جبکہ متعدد شدید زخمی ہو گئے.
