ولی امر المسلمین کی توہین کیخلاف تہران میں فرانسیسی سفارت خانے پر احتجاج

تہران : ولی امر مسلمین آیت اللہ سید علی خامنہ ای کی توہین کیخلاف تہران میں فرانسیسی سفارت خانے کے سامنے زبر دست احتجاج کیا گیا۔ مظاہرین نے پلے کارڈز اٹھا رکھے تھے جس میں فرانسیسی جریدے چارلی ہیبڈو کے اقدام کی مذمت کی گئی تھی۔ مظاہرین نے آیت اللہ سید علی خامنہ ای کی تصویریں اٹھا رکھی تھیں۔ جن پر لکھا تھا کہ میں رہبر کے لیے اپنی جان قربان کروں گا۔مظاہرین نے فرانس، امریکہ، برطانیہ اور اسرائیلی حکومت کے خلاف نعرے لگائے اور فرانسیسی پرچم کو آگ لگادی۔ شرکاء نے ایرانی وزارت خارجہ کے حکام سے جواب میں ضروری اقدامات کرنے کا بھی مطالبہ کیا۔