پوپ کا غزہ میں جنگ بندی کا مطالبہ، اسرائیل تلملا اٹھا

ویٹی کن : عیسائیوں کے پیشوا پوپ فرانسس کے غزہ میں مظالم پر تنقید سے صیہونی حکومت تلملا اٹھی ہے اور اسرائیلی وزارت خارجہ نے تل ابیب میں ویٹیکن کے سفیر آرچ بشپ اڈولفو ٹیٹو یلانا کو طلب کرکے اپنا احتجاج ریکارڈ کرایا۔ پوپ فرانسس نے ویٹی کن میں کرسمس تقریب سے خطاب میں غزہ کی پٹی میں انسانی صورتحال کو انتہائی سنگین قرار دیا۔ انہوں نے کہا کہ مسیحی برادریوں خاص طور پر غزہ کی مسیحی برادری تک اپنا پیغام دے رہا ہوں جہاں صورتحال انتہائی سنگین ہے۔ پوپ نے کہا کہ جنگ بندی۔ یرغمالیوں کو رہا اور غزہ میں بھوک اور جنگ سے تنگ لوگوں کی مدد کی جائے۔