مکمل ویکسینیٹڈ افراد کے لئے پی سی آر ٹیسٹ کی شرط ختم

اسلام آباد: نیشنل کمانڈ اینڈ کنٹرول سینٹر (این سی او سی) نے مکمل ویکسین یافتہ افراد کے لئے بورڈنگ سے پہلے کورونا کے پی سی آر ٹیسٹ کی شرط ختم کردی۔ این سی او سی کی جانب سے جاری کردہ بیان کے مطابق مکمل ویکسین یافتہ افراد کے لئے بورڈنگ سے پہلے پی سی آر ٹیسٹ کی شرط ختم کردی گئی ہے تاہم بیرون ملک سے آنے والے تمام مسافروں کے لئے مکمل ویکیسن یافتہ ہونا لازمی ہو گا۔
این سی او سی کا کہنا ہے کہ 12 سال سے زائد عمر کے غیر ویکیسن شدہ افراد کے لئے پی سی آر ٹیسٹ کی شرط لاگو رہے گی جب کہ 12 سال سے کم عمر بچوں کو لازمی ویکیسن سے استثنیٰ ہوگا۔
این سی او سی کے مطابق ڈیپورٹ اور ملک میں پیدل داخل ہونے والے غیر ویکیسن شدہ افراد کا ٹیسٹ بارڈر پر کیا جاے گا ، مثبت آنے پر مسافروں کو گھر میں قرنطینہ کرنا ہو گا۔