سرد جنگ کے دوران امریکی بلاک کا حصہ بننے سے پاکستانی معیشت کوسخت نقصان پہنچا، وزیراعظم

اسلام آباد : عمران خان کا کہنا ہے کہ پاکستان عالمی سطح پر کسی گروپ کا حصہ بننا نہیں چاہتا، چاہتے ہیں کہ روس یوکرین تنازع کا پُر امن حل نکلے۔یہ بات وزیرِ اعظم عمران خان نے روسی ٹی وی کو انٹرویو دیتے ہوئے کہی۔انہوں نے کہا ہے کہ سرد جنگ کے دوران ایک بلاک کا حصہ بننے سے پاکستان کی معیشت کو نقصان ہوا تھا، اب ہم کسی گروپ کا حصہ نہیں بننا چاہتے بلکہ تمام ملکوں سے تجارتی تعلقات چاہتے ہیں۔ان کا کہنا ہے کہ فوجی کارروائی کسی تنازع کا حل نہیں ہوسکتی، پرامن تصفیئے کیلئے مذاکرات کی میز پر آنا ضروری ہے دنیا بھر میں پیسے کی غیر قانونی منتقلی سے غربت میں اضافہ ہو رہا ہے، دنیا کو ترقی پزیر ممالک سے غیر قانونی طور پر پیسوں کی منتقلی کے مسئلے کا سامنا ہے.وسائل کی غیر منصفانہ تقسیم اور منی لانڈرنگ بھی بڑے چیلنجز ہیں۔ان کا کہنا ہے کہ ہماری بنیادی توجہ یہ ہونی چاہیے کہ کیسے اپنے لوگوں کو غربت سے نکالیں۔وزیرِ اعظم کا کہنا ہے کہ ہر سال غریب ممالک سے کرپشن سے لوٹے گئے 1 اعشاریہ 5 کھرب ڈالرز ترقی یافتہ ممالک کو بھیجے جاتے ہیں۔