Raza Musani 
تل ابیب: اسرائیل میں فلسطینی نوجوان کی فائرنگ سے ایک صیہونی ہلاک اور دو زخمی ہوگئے۔ تل ابیب میں فلسطینی نوجوان نے شہادت پسندانہ کارروائی میں مشہور اسٹریٹس ڈیزنگوف پر کیفے کے سامنے صیہونی آبادکاروں کو نشانہ بنایا۔ گولیاں لگنے سے تین افراد زخمی ہوئے۔جس میں سے ایک اسپتال میں جاکر دم توڑ گیا۔مسلح نوجوان موقع سے فرار ہوگیا جسے پولیس اہلکاروں نے فائرنگ کر کے شہید کر دیا۔ جس کی شناخت معتز باللہ صلاح الخواجہ کے نام سے ہوئی ہے۔اور وہ اسرائیلی جیلوں میں قید رہ چکا ہے۔اسرائیلی پولیس کا کہنا ہے کہ نوجوان کے پاس اسرائیل میں داخلے کا پرمٹ نہیں تھا۔ حماس نے اعلان کیا کہ تل ابیب میں فائرنگ کرنے والا نوجوان تنظیم کے عسکری بازو عزالدین القسام بریگیڈ کا ایک رکن تھا۔ یہ آپریشن قابض ریاست کے ان جرائم کے جواب میں کیا گیا جن سے فلسطینیوں کی قوت ارادی کو کمزور نہیں کیا جاسکا۔ فلسطین کی اسلامی جہاد موومنٹ نے اپنے ترجمان طارق عزالدین کے ذریعے کہا ہے کہ ہم تل ابیب میں کمانڈو آپریشن کو مبارکباد پیش کرتے ہیں۔ انہوں نے مزید کہا کہ اس نے اسرائیلی سیکیورٹی سسٹم کو تباہ کر دیا ہے۔ ادھر صیہونی آباد کار نے مقبوضہ مغربی کنارے کے شہر قلقیلیہ کے مشرق میں ایک فلسطینی نوجوان کو گولی مار کر شہید کر دیا۔
