Raza Musani 
لاہور : پاکستان تحریک انصاف نے مہنگائی اور معاشی بدحالی کے خلاف ملک گیر احتجاجی تحریک شروع کرنے کا اعلان کردیا۔
پی ٹی آئی رہنما فواد چوہدری نے کہا ہے کہ مہنگائی اور معیشت کی تباہی کے حوالے سے احتجاج کیا جائے گا۔ گھروں میں بجلی گیس نہیں۔اشیائے ضروریہ کی قیمتیں آسمان کو پہنچ گئیں۔ ہماری یہ تحریک مختلف مراحل پر مشتمل ہوگی، پہلے مرحلے میں تین ہفتوں تک حلقوں میں ایم این ایز اور ایم پی ایز کی سربراہی میں احتجاجی ریلیاں نکالی جائیں گی اور پھر ہم اپنے اگلے لائحہ عمل کا اعلان کریں گے۔ فواد چوہدری نے واضح کیا کہ ہم دوبارہ سڑک پر ہوں گے اور جب تک حکومت نہیں جاتی احتجاج کا سلسلہ وقتاً فوقتاً جاری رکھیں گے، پورے پاکستان کے لوگ باہر نکلیں اور اپنے حق کیلئے آواز اٹھائیں، تحریک انصاف کی احتجاجی تحریک کا حصہ بنیں۔
