اندرونی معاملات میں مداخلت پر پاکستان کا امریکا سے شدید احتجاج

اسلام آباد: پاکستان نے دھمکی آمیز خط اور اندرونی معاملات میں مداخلت پر امریکا سے شدید احتجاج کیا ہے۔ قائم مقام امریکی ڈپٹی چیف آف مشن کو دفتر خارجہ طلب کرکے احتجاجی مراسلہ تھمایا گیا۔ دفتر خارجہ نےخط میں امریکی حکام کی جانب سے استعمال کی گئی زبان پر شدید احتجاج کیا اور امریکی سفارتکار کو بتایا کہ پاکستان کے داخلی امور میں مداخلت ناقابل قبول ہے۔ دفتر خارجہ کا کہنا ہے کہ امریکی سفارتکار کو قومی سلامتی کمیٹی اجلاس کی روشنی میں طلب کیاگیا تھا۔ ادھر ترجمان وائٹ ہاؤس کا کہناہے کہ دھمکی آمیز مراسلے سے متعلق الزامات میں صداقت نہیں،امریکی محکمہ خارجہ کے ترجمان نیڈ پرائس کا کہناہے کہ پاکستان کے آئینی عمل کا احترام کرتے ہیں، صورتحال کا جائزہ لے رہے ہیں۔