افغانستان، ایران اور روس سے بارٹر ٹریڈ کا پاکستانی منصوبہ

اسلام آباد: پاکستان نے افغانستان، ایران اور روس کے ساتھ پٹرولیم، گیس اور دیگر اشیا کی خریداری کیلئے بارٹر ٹریڈ میکنزم کی منظوری دیدی۔ بزنس ٹو بزنس بارٹر ٹریڈ میکنزم رولز کے تحت پاکستان تینوں ممالک کے ساتھ اشیا کے بدلے اشیا درآمد کرے گا۔ بارٹر سسٹم کے تحت پاکستان ایران اور روس سے خام تیل۔ ایل این جی اور ایل پی جی درآمد کرے گا۔ بدلے میں دونوں ممالک کو گوشت، پھل، سبزیاں، چاول برآمد کئے جائیں گے۔ جبکہ ٹیکسٹائل مصنوعات۔ پرفیومز۔ کاسمیٹکس۔ آلات جراحی اور کٹلری بھی برآمد کئے جاسکیں گے۔ افغانستان سے پھل۔ میوہ جات سبزیاں، دالیں، آئل سیڈز، منرلز۔ میٹلز اور کوئلہ درآمد کیا جاسکے گا- بدلے میں کھیلوں کا سامان برآمد کیا جائے گا۔ ایران سے کیمکلز پراڈکٹس۔ کھاد، پھل، سبزیاں ۔مصالحے درآمد کئے جاسکیں گے۔ روس سے بارٹر سسٹم کے تحت گندم اور صنعتی مشینری بھی درآمد کی جاسکے گی۔