حزب اللہ کے خلاف کارروائیاں جاری رہیں گی، نیتن یاہو کی ہٹ دھرمی

تل ابیب : اسرائیلی وزیرِاعظم بنیامین نیتن یاہو نے ایران امریکا معاہدے کو ماننے سے انکار کرتے ہوئے کہاہےکہ ایران کے جوہری خطرے کو روکنے میں کامیابی حاصل کی۔ لبنان میں حزب اللہ کے خلاف کارروائیاں جاری رہیں گی اور اسرائیل بفر زون میں موجود رہے گا۔ اسرائیلی وزیرِاعظم بنیامین نیتن یاہو نے نیوز کانفرنس میں دعویٰ کیا کہ اسرائیل نے ایران کی قیادت کو نشانہ بنایا، اس کے سکیورٹی نظام کو شدید نقصان پہنچایا اور انہوں نے کہا کہ ان اقدامات کے ذریعے اسرائیل اور اس کے عوام کو بڑے خطرے سے بچایا گیا تاہم یہ جدوجہد ابھی ختم نہیں ہوئی۔ ان کا کہنا تھا کہ اسرائیل اپنی سرحدوں کے قریب کسی بھی مزاحمتی تنظیم کو دوبارہ قدم جمانے کی اجازت نہیں دے گا۔ اسرائیلی وزیرِاعظم نے اعتراف کیا کہ ان اور امریکی صدر ڈونلڈ ٹرمپ کے درمیان بعض معاملات پر اختلافات موجود رہتے ہیں۔