Ilyas 
صوبہ الانبار، صلاح الدین اور نینو امیں ایک ساتھ حشد الشعبی اور دیگر فورسز کی کارروائی ، خفیہ ٹھکانوں کو تہس نہس کر دیاگیا،ہتھیاروں کے گودام پکڑے گئے
دہشت گردوں کو جان لینا چاہیے کہ انہیں عراق میں کہیں امان نہیں دی جائے گی ، ہم آخری دہشت گرد کا بھی تعاقب کریں گے ،ترجمان مشترکہ آپریشنل کمان
بغداد (نیوز ڈیسک) عراق میں داعش کی سرگرمیاں بڑھنے کے بعد عوامی رضا کار فورس حشد الشعبی نے اپنے آپریشن کو وسعت دیدی ہے،اور تین صوبوں الانبار، صلاح الدین اور نینو امیں ایک ساتھ داعش کے خلاف آپریشن کلین اپ شروع کیا گیا ہے، مغربی علاقے میں دہشت گردوں کے خلاف آپریشن میں کئی ٹھکانوں کو تباہ کر دیاگیا، د اعش کے بھاری ہتھیار، میزائل اور راکٹ کے گودام بھی پکڑے گئے ،صوبہ صلاح الدین کے مغرب میں واقع وسیع صحرائی علاقے کودہشت گردوں سے پاک کردیا گیا ہے، علاقے میں داعش کے درجنوں خفیہ ٹھکانوں کو تہس نہس کر دیاگیا،ادھر صوبہ دیالہ کے وادی الثلاب میں بھی دہشت گرد وں کے ٹھکانوں پر حملہ کیا گیا اور داعش کے 4 دہشت گردوں کو ہلاک کر دیاگیا، مشترکہ آپریشنل کمان کے ترجمان جنرل تحسین الخفاجی نے خبردار کیاکہ دہشت گردوں کو جان لینا چاہیے کہ انہیں عراق میں کہیں بھی امان نہیں دی جائے گی اور ہم آخری دہشت گرد کا بھی تعاقب کریں گے ، داعش گروہ کورونا کے بحران سے فا ئدہ اٹھاتے ہوئے عراق کے بنیادی ڈھانچے، فصلوں اور باغات کو تباہ کر کے ملک کو اقتصادی جنگ اور بحران کی جانب دھکیلنے کی منصوبہ بندی کر رہا ہے۔
